Rreth nesh

Organizata për Rritjen e Cilësisë në Arsim (ORCA), e themeluar në vitin 2016 në Prishtinë, ka si mision kontributin për rritjen e cilësisë së arsimit në Kosovë, me fokus kryesor arsimin universitar.

ORCA është aktive në mbikëqyrjen e proceseve akademike në arsimin e lartë në Kosovë, dhe në reagime të koordinuara për përmirësimin e cilësisë së mësimdhënies në universitetin publik.

Ky synim mundësohet përmes shqyrtimit të kujdesshëm dhe metodologjik të zhvillimeve akademike në bashkëpunim me ekspertë të fushave të ndryshme dhe akademikë meritorë.

Gjithashtu, ORCA angazhohet në rigjallërimin e aktivizmit ndër studentët e sistemit publik universitar përmes bashkëpunimit me organizatat studentore dhe vetëdijesimin dhe ngritjen e kapaciteteve të reagimit në terren të komunitetit më të gjerë studentor.

Krahas rritjes së presionit publik dhe institucional, ORCA do të ofrojë rekomandime konkrete për institucionet përgjegjëse për përmirësimin e gjendjes së arsimit në Kosovë.

Donatorët e ORCA-s: 

Fondacioni i Kosovës për Shoqëri të Hapur (KFOS)

Ministry of Foreign Affairs of Denmark – International Development Cooperation dhe Swiss Agency for Development and Cooperation SDC (e menaxhuar nga KCSF)

US Embassy in Prishtina

Programi i Shoqërisë Civile për Shqipërinë dhe Kosovën e financuar nga Ministria e Punëve të Jashtme të Norvegjisë, e përfaqësuar nga Ambasada e Mbretërisë së Norvegjisë në Prishtinë, dhe e menaxhuar nga Fondacioni Kosovar për Shoqëri Civile (KCSF).

Austrian Development Agency (ADA)

National Endowment for Democracy (NED)

 Programi i Fondacionit Kosovar për Shoqëri Civile (KCSF) ‘EJA Kosovë’, bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia

Stafi i ORCA-s: 

Dibran Hoxha – Drejtor Ekzekutiv

Liridona Ademaj – Koordinatore e monitorimit

Fellona Feta – Zyrtare e financave

Skord Retkoceri – Udhëheqës i hulumtimit

 

Bordi i ORCA-s

Suzana Manxhuka-Kërliu – Kryetare e Bordit – patologe dhe mban gradën doktor shkence në shkencat e mjekësisë dhe titullin profesor ordinar në Universitetin e Prishtinës (aktualisht e pensionuar) me një përvojë më shumë se 4 dekada në jetën akademike në Kosovë. Angazhimi i saj në pozitat drejtuese të Universitetit të Prishtinës, ka ndikuar në rritjen e cilësisë së arsimit të lartë në Kosovë. Aktualisht është Kryetare e Task Forcës Mesdhetare për Kontroll të Kancerit dhe Kryetare e Bordit Ekzekutiv të ORCA-s.

Dardan Selimaj – Anëtar i Bordit – ka studiuar gazetarinë dhe pedagogjinë e përgjithshme muzikore. Momentalisht është ushtrues detyre i drejtorit të Filharmonisë së Kosovës, me një përvojë të gjatë menaxheriale në institucione të ndryshme kulturore dhe televizive të Kosovës. Angazhimi i tij ka pasuruar skenën kulturore të vendit sidomos atë të muzikës klasike duke sjellë artistët më eminentë nga bota mbarë për të performuar para publikut kosovar. Aktualisht Dardan Selimaj është edhe anëtar i Bordit Ekzekutiv në ORCA.

Luljeta Gashi – Anëtare e Bordit – është inxhiniere e kompjuterikës e diplomuar në Universitetin e Prishtinës, e angazhuar si data specialist në një nga bankat që veprojnë në Kosovë. Luljeta Gashi ka një përvojë në kompani multinacionale që merren me menaxhimin dhe krijimin e të dhënave. Aktualisht është anëtare e Bordit Ekzekutiv të ORCA-s.

Na kontaktoni: 

info@orca-ks.org

orca.comms@gmail.com

+383 (45) 234 994

Rr. Henrik Bariç, Prishtinë, Kosovë, 10000

Organizata për Rritjen e Cilësisë ORCA përkrahet nga programi i Fondacionit Kosovar për Shoqëri Civile (KCSF) ‘EJA Kosovë’, bashkëfinancuar nga Agjencia Zvicerane për Zhvillim dhe Bashkëpunim (SDC) dhe Suedia.

 

Bashkohu me ne për një universitet të mirë
Bëhu vullnetar
Keni ndonjë pyetje
Na kontaktoni
Raporto