Organizata për Rritjen e Cilësisë në Arsim – ORCA, u bënë thirrje organizatave studentore dhe grupeve joformale studentore në Kosovë që të aplikojnë për skemën e granteve, me projekt- propozime, të cilat kanë për qëllim përmirësimin e transparencës, llogaridhënies dhe integritetit akademik në institucionet publike të arsimit të lartë në Kosovë.

Skema e granteve e dizajnuar nga ORCA, si partner i projektit “Cilësi, Llogaridhënie, Integritet dhe Transparencë në Arsimin  e Lartë (QAINT)” , i zbatuar nga konzorciumi KEC – ORCA – ZSI, do të mbulojë arsimin e lartë publik në Kosovë

Do të merren parasysh projekt-propozimet, të cilat përqendrohen në  nxitjen e aktivizimit të grupeve studentore për njohjen dhe adresimin e problemeve dhe çështjeve me rëndësi për interesin publik në arsimin e lartë.

Skema e granteve do të përqendrohet në ato projekte, të cilat si pikësynim kanë  adresimin apo zhvillimin e aktiviteteve të caktuara që përfshijnë:

  1. Integritetin akademik në universitet publike;
  2. Transparencën financiare të universiteteve publike;
  3. Aktivitetet me rëndësi për zhvillimin e jetës studentore: aktivitetet kulturore, artistike, sociale dhe sportive, të cilat ndikojnë në rritjen e transparencës, llogaridhënies dhe integritetit;
  4. Aktivitetet për nxitjen e vetëdijes kritike studentore;
  5. Nismat për adresimin e problemeve të caktuara në kuadër të jetës universitare;
  6. Aktivitetet për adresimin e formave të ndryshme të diskriminimit dhe të ruajtjes së ambientit

Kush duhet të jenë përfitues të zbatimit të projektit?

Përfitues të zbatimit të projektit duhet të jenë: studentët, stafi akademik, fakultetet, departamentet, qendrat apo institutet e universiteteve publike.

Aplikimet/Dokumentet, të dërgohen në fitore.orca@gmail.com apo të shtypura në kopje fizike pranë zyreve të ORCA-s, Rr: “Simon Shiroka” H11, Nr. 9; 10000 Prishtinë, më së lagu deri më datë 13 shtator 2019, në orën 15:00.

Për më shumë, lexoni më poshtë në detaje thirrjen për aplikim, si dhe formën e aplikimit.

Forma e aplikimit Qaint – ORCA

Thirrje për aplikim QAINT – ORCA